Mega styðja við tölvuleikina

Áætlun Noregs um ríkisstuðning við þróun, kynningu og dreifingu gagnvirkrar framleiðslu, svo sem tölvuleikja, hefur fengið heimild ESA, eftirlitsstofnunar EFTA.

Norðmenn vilja efla framleiðslu og auka úrval gagnvirks efnis á norsku, þar sem markaðsaðstæður og tekjuöflun kunna að vera takmörkunum háðar.

Stuðningurinn snýr sérstaklega að vörum sem ætlaðar eru fyrir börn og ungmenni, um leið og stutt er við dreifingu varningsins bæði í Noregi og annars staðar.