Statoil tapar peningum

Norski orkurisinn Statoil segir að gjöld vegna virðisrýrnunar og lægra verð á olíu og gasi hafi leitt til þess að félagið tapaði 4,8 milljörðum norskra króna (87,2 milljörðum króna) á þriðja fjórðungi þessa árs.

Á sama tíma í fyrra hagnaðist Statoil um sem svarar 260 milljörðum íslenskra króna. Tekjur drógust saman um níu prósent í sem svarar 2.671 milljarð íslenskra króna.

Helge Lund sagði af sér sem forstjóri Statoil fyrir hálfum mánuði, en við starfi hans tók Eldar Saetre.