Ellefu ný verk unnin út frá gömlum munum Friðrika Benónýsdóttir skrifar 18. október 2014 12:00 Nokkrir listamannanna sem eiga verk á sýningunni ásamt Írisi Ólöfu sýningarstjóra. vísir/Auðunn „Fyrir nokkuð mörgum árum kom ég að máli við þáverandi forstöðumann Listasafnsins á Akureyri og kom þeirri skoðun minni á framfæri að mér fyndist skorta á að það væri skoðað hvað byggðasöfn eru í rauninni stútfull af myndlist,“ segir Íris Ólöf Sigurjónsdóttir, forstöðumaður Byggðasafnsins Hvols á Dalvík, um upphafið á samstarfi hennar og Listasafns Akureyrar. „Ég bauðst til að koma með einhverja gripi á safnið en á þeim tíma reyndist ekki áhugi fyrir því. Fyrir einu og hálfu ári hringdi hann svo í mig og bauð mér að gera þessa sýningu sem verður opnuð í dag.“ Sýningin nefnist Myndlist minjar / Minjar myndlist og þar gefur annars vegar að líta muni markaða af sögu, menningu og andblæ liðins tíma, og hins vegar ný listaverk unnin af ellefu listamönnum sem boðið var að vinna þau út frá munum Byggðasafnsins og menningarsögu Dalvíkurbyggðar. Myndlistarmennirnir eru á aldrinum 28 til 70 ára og vinna í ólíka miðla en eiga það sameiginlegt að tengjast Írisi Ólöfu á einn eða annan hátt. Þeir eru Bryndís Hrönn Ragnarsdóttir, Haraldur Jónsson, Magdalena Margrét, Ragnhildur Stefánsdóttir, Sara Jóhanna Vilbergsdóttir, Sari Maarit Cedergren, Svava Björnsdóttir, Victor Ocares, Þór Vigfússon, Þrándur Þórarinsson og Örn Alexander Ámundason. „Ég velti því mjög lengi fyrir mér hverja ég ætti að velja,“ segir Íris Ólöf. „Ég vildi hafa breitt aldursbil, fleiri konur en karla, fólk sem ynni í ólíka miðla og svo framvegis. Að lokum ákvað ég að gerast bara egósentrísk og velja þá myndlistarmenn sem ég vildi helst fá. Sterka listamenn sem ég treysti í þetta verkefni og vissi að færu alla leið með það.“ Auk nýju listaverkanna ellefu og munanna sem þau eru unnin út frá eru á sýningunni tuttugu gripir sem Íris Ólöf hefur valið. „Ég sýni þá gripi án sögunnar í kringum þá þannig að þeir standa bara sem sjálfstæð verk,“ segir hún. Sýningin stendur til 7. desember og er opin alla daga nema mánudaga frá klukkan 12 til 17. Aðgangur er ókeypis. Menning Mest lesið Justin Timberlake með Lyme-sjúkdóm Lífið Mannblendnir refir slá í gegn á Snæfellsnesi Lífið Útskúfaður úr Hollywood vegna kossareglunnar Lífið Einar og Milla eignuðust dreng Lífið Þrettán bestu lög Ozzy Osbourne Lífið Dularfullur veðurbreytir Jakobs Frímanns og maðurinn á bak við hann Lífið Uppljóstrar um síðustu skilaboðin sem hann fékk frá Ozzy Lífið Forseti Alþingis snæddi kvöldverð með Michael Douglas Lífið Draumabrúðkaup í sextíu ára gömlum kjól frá ömmu Lífið Ætlar í pásu frá giggum Lífið Fleiri fréttir Galdrakarlinn í Oz aftur á fjalirnar Nýr barnakór Hallgrímskirkju stofnaður Bogi hljóp í skarðið fyrir Kristbjörgu Kjeld og ærði áhorfendur Risastór menningarhátíð á Flateyri Ofboðslega falleg berskjöldun Nýjum listaverkum komið upp á Héðinsreitnum Sjá meira
„Fyrir nokkuð mörgum árum kom ég að máli við þáverandi forstöðumann Listasafnsins á Akureyri og kom þeirri skoðun minni á framfæri að mér fyndist skorta á að það væri skoðað hvað byggðasöfn eru í rauninni stútfull af myndlist,“ segir Íris Ólöf Sigurjónsdóttir, forstöðumaður Byggðasafnsins Hvols á Dalvík, um upphafið á samstarfi hennar og Listasafns Akureyrar. „Ég bauðst til að koma með einhverja gripi á safnið en á þeim tíma reyndist ekki áhugi fyrir því. Fyrir einu og hálfu ári hringdi hann svo í mig og bauð mér að gera þessa sýningu sem verður opnuð í dag.“ Sýningin nefnist Myndlist minjar / Minjar myndlist og þar gefur annars vegar að líta muni markaða af sögu, menningu og andblæ liðins tíma, og hins vegar ný listaverk unnin af ellefu listamönnum sem boðið var að vinna þau út frá munum Byggðasafnsins og menningarsögu Dalvíkurbyggðar. Myndlistarmennirnir eru á aldrinum 28 til 70 ára og vinna í ólíka miðla en eiga það sameiginlegt að tengjast Írisi Ólöfu á einn eða annan hátt. Þeir eru Bryndís Hrönn Ragnarsdóttir, Haraldur Jónsson, Magdalena Margrét, Ragnhildur Stefánsdóttir, Sara Jóhanna Vilbergsdóttir, Sari Maarit Cedergren, Svava Björnsdóttir, Victor Ocares, Þór Vigfússon, Þrándur Þórarinsson og Örn Alexander Ámundason. „Ég velti því mjög lengi fyrir mér hverja ég ætti að velja,“ segir Íris Ólöf. „Ég vildi hafa breitt aldursbil, fleiri konur en karla, fólk sem ynni í ólíka miðla og svo framvegis. Að lokum ákvað ég að gerast bara egósentrísk og velja þá myndlistarmenn sem ég vildi helst fá. Sterka listamenn sem ég treysti í þetta verkefni og vissi að færu alla leið með það.“ Auk nýju listaverkanna ellefu og munanna sem þau eru unnin út frá eru á sýningunni tuttugu gripir sem Íris Ólöf hefur valið. „Ég sýni þá gripi án sögunnar í kringum þá þannig að þeir standa bara sem sjálfstæð verk,“ segir hún. Sýningin stendur til 7. desember og er opin alla daga nema mánudaga frá klukkan 12 til 17. Aðgangur er ókeypis.
Menning Mest lesið Justin Timberlake með Lyme-sjúkdóm Lífið Mannblendnir refir slá í gegn á Snæfellsnesi Lífið Útskúfaður úr Hollywood vegna kossareglunnar Lífið Einar og Milla eignuðust dreng Lífið Þrettán bestu lög Ozzy Osbourne Lífið Dularfullur veðurbreytir Jakobs Frímanns og maðurinn á bak við hann Lífið Uppljóstrar um síðustu skilaboðin sem hann fékk frá Ozzy Lífið Forseti Alþingis snæddi kvöldverð með Michael Douglas Lífið Draumabrúðkaup í sextíu ára gömlum kjól frá ömmu Lífið Ætlar í pásu frá giggum Lífið Fleiri fréttir Galdrakarlinn í Oz aftur á fjalirnar Nýr barnakór Hallgrímskirkju stofnaður Bogi hljóp í skarðið fyrir Kristbjörgu Kjeld og ærði áhorfendur Risastór menningarhátíð á Flateyri Ofboðslega falleg berskjöldun Nýjum listaverkum komið upp á Héðinsreitnum Sjá meira