Ljóð sem höfða til tónskáldsins Friðrika Benónýsdóttir skrifar 16. október 2014 15:30 Ingrid Örk Kjartansdóttir syngur lög Leifs Gunnarssonar við ljóð íslenskra skálda í hádeginu á morgun. Mynd úr einkasafni „Ég hef verið að semja dálítið gott safn af verkum við ljóð íslenskra skálda og hluti af þeim verður fluttur á þessum tónleikum á morgun,“ segir Leifur Gunnarsson, listrænn stjórnandi tónleikaraðarinnar Jazz í hádeginu. „Ég byrjaði að semja lög við þessi ljóð þegar ég var í námi úti í Danmörku og hef núna í þrjú ár hægt og rólega verið að bæta í safnið.“ Ljóðin eru eftir Huldu, Stein Steinar, Jóhannes úr Kötlum, Þorstein Erlingsson, Tómas Guðmundsson og Örn Árnason. Það er Ingrid Örk Kjartansdóttir sem syngur en Leifur spilar sjálfur á kontrabassa og Kjartan Valdemarsson leikur á píanó. „Það er svo sem engin stefna í því hvernig ég hef valið ljóðin,“ segir Leifur. „Ljóðskáldin eru frá mismunandi tímum og mjög ólík innbyrðis, þetta eru bara ljóð sem hafa höfðað til mín.“ Leifur segir tónleikana sniðna að hádegishléum fólks og því séu þeir ekki nema um það bil fjörutíu mínútur að lengd. „Við erum bæði að búa til rými fyrir fólk að ná þessu í hádeginu og kúpla sig frá hversdagsamstrinu og eins er hugsunin sú að þessi tónleikalengd hæfi öllum, fólk geti jafnvel mætt með börnin sín, þótt efnisskráin sé ekki sérsniðin með börn í huga. Á sunnudögum hefjum við leikinn klukkutíma seinna, það er oft erfiðara að koma sér af stað á sunnudögum.“ Þessir fyrstu tónleikarnir í röðinni Jazz í hádeginu verða á morgun klukkan 12.15 og síðan endurteknir á sunnudaginn klukkan 13.15. Þriðju tónleikarnir í tónleikaröðinni Jazz í hádeginu verða fluttir 14. og 16. nóvember næstkomandi. Þá mun Sigurður Flosason saxófónleikari flytja sína uppáhaldsstandarda með aðstoð Leifs Gunnarssonar, Agnars Más Magnússonar píanóleikara og Einars Scheving trommuleikara. Menning Mest lesið Justin Timberlake með Lyme-sjúkdóm Lífið Mannblendnir refir slá í gegn á Snæfellsnesi Lífið Útskúfaður úr Hollywood vegna kossareglunnar Lífið Einar og Milla eignuðust dreng Lífið Þrettán bestu lög Ozzy Osbourne Lífið Dularfullur veðurbreytir Jakobs Frímanns og maðurinn á bak við hann Lífið Uppljóstrar um síðustu skilaboðin sem hann fékk frá Ozzy Lífið Forseti Alþingis snæddi kvöldverð með Michael Douglas Lífið Draumabrúðkaup í sextíu ára gömlum kjól frá ömmu Lífið Ætlar í pásu frá giggum Lífið Fleiri fréttir Galdrakarlinn í Oz aftur á fjalirnar Nýr barnakór Hallgrímskirkju stofnaður Bogi hljóp í skarðið fyrir Kristbjörgu Kjeld og ærði áhorfendur Risastór menningarhátíð á Flateyri Ofboðslega falleg berskjöldun Nýjum listaverkum komið upp á Héðinsreitnum Sjá meira
„Ég hef verið að semja dálítið gott safn af verkum við ljóð íslenskra skálda og hluti af þeim verður fluttur á þessum tónleikum á morgun,“ segir Leifur Gunnarsson, listrænn stjórnandi tónleikaraðarinnar Jazz í hádeginu. „Ég byrjaði að semja lög við þessi ljóð þegar ég var í námi úti í Danmörku og hef núna í þrjú ár hægt og rólega verið að bæta í safnið.“ Ljóðin eru eftir Huldu, Stein Steinar, Jóhannes úr Kötlum, Þorstein Erlingsson, Tómas Guðmundsson og Örn Árnason. Það er Ingrid Örk Kjartansdóttir sem syngur en Leifur spilar sjálfur á kontrabassa og Kjartan Valdemarsson leikur á píanó. „Það er svo sem engin stefna í því hvernig ég hef valið ljóðin,“ segir Leifur. „Ljóðskáldin eru frá mismunandi tímum og mjög ólík innbyrðis, þetta eru bara ljóð sem hafa höfðað til mín.“ Leifur segir tónleikana sniðna að hádegishléum fólks og því séu þeir ekki nema um það bil fjörutíu mínútur að lengd. „Við erum bæði að búa til rými fyrir fólk að ná þessu í hádeginu og kúpla sig frá hversdagsamstrinu og eins er hugsunin sú að þessi tónleikalengd hæfi öllum, fólk geti jafnvel mætt með börnin sín, þótt efnisskráin sé ekki sérsniðin með börn í huga. Á sunnudögum hefjum við leikinn klukkutíma seinna, það er oft erfiðara að koma sér af stað á sunnudögum.“ Þessir fyrstu tónleikarnir í röðinni Jazz í hádeginu verða á morgun klukkan 12.15 og síðan endurteknir á sunnudaginn klukkan 13.15. Þriðju tónleikarnir í tónleikaröðinni Jazz í hádeginu verða fluttir 14. og 16. nóvember næstkomandi. Þá mun Sigurður Flosason saxófónleikari flytja sína uppáhaldsstandarda með aðstoð Leifs Gunnarssonar, Agnars Más Magnússonar píanóleikara og Einars Scheving trommuleikara.
Menning Mest lesið Justin Timberlake með Lyme-sjúkdóm Lífið Mannblendnir refir slá í gegn á Snæfellsnesi Lífið Útskúfaður úr Hollywood vegna kossareglunnar Lífið Einar og Milla eignuðust dreng Lífið Þrettán bestu lög Ozzy Osbourne Lífið Dularfullur veðurbreytir Jakobs Frímanns og maðurinn á bak við hann Lífið Uppljóstrar um síðustu skilaboðin sem hann fékk frá Ozzy Lífið Forseti Alþingis snæddi kvöldverð með Michael Douglas Lífið Draumabrúðkaup í sextíu ára gömlum kjól frá ömmu Lífið Ætlar í pásu frá giggum Lífið Fleiri fréttir Galdrakarlinn í Oz aftur á fjalirnar Nýr barnakór Hallgrímskirkju stofnaður Bogi hljóp í skarðið fyrir Kristbjörgu Kjeld og ærði áhorfendur Risastór menningarhátíð á Flateyri Ofboðslega falleg berskjöldun Nýjum listaverkum komið upp á Héðinsreitnum Sjá meira