Barokkið er dautt

Dagana fyrir og eftir verslunarmannahelgina verður hollenska tvíeykið Erica Roozendaal harmóníkuleikari og Tessa de Zeeuw heimspekingur á ferð um Suðurland og suðvesturhornið. Þær munu flytja tónleika- og heimspekidagskrá undir nafninu „Barokkið er dautt“ eða „The Baroque is Dead“.

Á efnisskrá er tónlist eftir Bent Sørensen, John Zorn, Yuji Takahashi, Ørjen Matre ásamt splunkunýju verki eftir Hafdísi Bjarnadóttur sem nefnist Vögguvísa fyrir eldfjall. Inn í tónleikana fléttast heimspekilegar hugleiðingar og upplestur um vatnabuffalóa, eldfjöll, Þórberg Þórðarson og alræði svo eitthvað sé nefnt.



Tónleikarnir verða sem hér segir: 30. júlí klukkan 16.00 í Kötlusetri, Vík í Mýrdal, 31. júlí klukkan 21.00 á Þórbergssetri, Hala í Suðursveit, 6. ágúst kl. 20.00 á Sunnlenska bókakaffinu, Selfossi, og 7. ágúst kl. 21.00 í Mengi, Óðinsgötu 2 í Reykjavík. Aðgangur er ókeypis á alla tónleikana og allir velkomnir á meðan húsrúm leyfir.