Alltaf verið að spyrja mig út í Mighty Ducks 2 Kristinn Páll Teitsson skrifar 20. júní 2014 06:30 Stjörnubani. Bandaríski framherjinn Matthew Eliason skoraði sigurmark Þróttar gegn Stjörnunni í 16 liða úrslitum Borgunarbikarsins. Fréttablaðið/Vilhelm Matthew Eliason varð skyndilega heimsfrægur þegar hjólhestaspyrna hans í æfingaleik með Lionel Messi rataði á YouTube. Matthew leikur þessa dagana á Íslandi með Þrótti en hann skaut Þrótti í 8 liða úrslit Borgunarbikarsins á dögunum gegn Stjörnunni. Matthew var nokkuð brattur þegar Fréttablaðið heyrði í honum. „Þessi leikur tók á en það var frábært að ná sigrinum. Það er leikur á föstudaginn svo ég gæti þurft að skella mér í ísbað í dag,“ sagði Matthew sem er ánægður í herbúðum Þróttar. „Það gekk vel allt frá byrjun. Strákarnir voru duglegir að skapa færi fyrir mig sem gerði mér auðveldara fyrir. Við fórum í æfingaferð til Englands þar sem ég lærði inn á liðið og liðsfélagana og það hjálpaði mér gríðarlega. Ég hafði aldrei spilað einn í fremstu víglínu áður en mér hefur tekist það vel hingað til,“ sagði Matthew sem var ánægður með móttökurnar í liðinu. „Ég hef reynt að kynnast strákunum og ég gæti ekki hafa fengið betri hóp, held ég. Þeir hafa hjálpað mér að setjast að í nýju umhverfi. Ég er frá Chicago svo það að flytja til Reykjavíkur er töluverð breyting fyrir mig. Reykjavík er töluvert minni borg. Ég sakna fjölskyldu minnar í Chicago en strákarnir hafa hjálpað mér. Fjölskyldumeðlimir mínir hlógu þegar ég sagðist vera að fara til Íslands að spila. Fólk er alltaf að spyrja mig út í Bláa lónið og myndina Mighty Ducks 2. Ég var spurður hvort allir hérna á Íslandi hétu Gunnar eins og söguhetjan í myndinni,“ sagði Matthew og hló.Heimsfrægur Matthew varð heimsfrægur þegar hann skoraði með hjólhestaspyrnu í æfingaleik fyrir ári. Sendingin kom frá engum öðrum en Thierry Henry en í röðum andstæðinganna var Lionel Messi. „Ég hef lent í því að vera kallaður hjólarastrákurinn. Það var frábært að fá þessa umfjöllun og ég fór á reynslu til nokkurra liða út frá þessu. Þetta var frábær lífsreynsla að taka þátt í þessum leik og allt sem kom út frá þessu. Það hefur komið mér alla leiðina til Íslands svo hlutirnir virkuðu vel. Gregg Ryder, þjálfari Þróttar, hringdi í mig og bauð mér samning á hárréttum tíma,“ sagði Matthew en hann var fjármálaráðgjafi í Chicago áður en hann hélt til Íslands. Hann er í tímabundnu leyfi frá vinnu. „Ég er enn þá starfsmaður fyrirtækisins en er í tímabundnu leyfi og fæ því ekki laun. Þeir voru afar skilningsríkir á að ég væri að láta drauminn rætast með því að koma til Íslands. Ég átti eflaust inni hjá þeim eftir að markið jók viðskipti fyrirtækisins gríðarlega. Þeir voru skilningsríkir og ég er þakklátur fyrir það.“ Matthew er kominn með aukavinnu sem blaðamaður hjá Iceland Magazine. „Mér leiddist að gera ekkert með fótboltanum og þegar Þróttur talaði um fjölmiðlastarf stökk ég á það. Þetta gefur mér aukið tækifæri til að læra um íslenska menningu,“ sagði Matthew.Skilur Klinsmann Njósnateymi bandaríska landsliðsins er sífellt að reyna að finna leikmenn um allan heim sem hafa ekki spilað landsleik og eiga möguleika á því að fá bandarískan ríkisborgararétt. Flestir Íslendingar ættu að kannast við mál Arons Jóhannssonar en hann er ekki sá eini. Alls eru fimm leikmenn í bandaríska hópnum sem eru upprunalega þýskir. „Fótbolti er á uppleið í Bandaríkjunum og fólk vill eflaust sjá sanna Bandaríkjamenn spila fyrir landsliðið, það gefur ungliðastarfinu byr undir báða vængi. Að mínu mati er þetta hins vegar aðeins jákvætt fyrir knattspyrnuna í Bandaríkjunum. Þýskaland framleiðir betri fótboltamenn og ef þeir eiga bandaríska foreldra er ekkert að því að bjóða þeim að spila með okkur. Það þarf ekkert að skammast sín fyrir þetta, það má sjá þetta hjá stórliðunum líka eins og Diego Costa sannaði,“ sagði Matthew sem telur að aðkoma betri leikmanna geti aðeins styrkt landsliðið til lengri tíma. „Það eykur styrkleikann á æfingum sem er gott fyrir liðið. Ungir leikmenn sem koma inn í landsliðshópinn munu spila með betri leikmönnum og það eykur gæðin í hópnum til lengri tíma,“ sagði Matthew en mark hans gegn Messi og félögum má sjá hér fyrir neðan. Pepsi Max-deild karla Tengdar fréttir Umfjöllun, viðtöl og myndir: Stjarnan - Þróttur 0-1 | Eliason hetja Þróttara Þróttur er kominn í 8-liða úrslit Borgunarbikarsins eftir sigur á Stjörnunni í framlengdum leik. 18. júní 2014 12:39 Mest lesið Skilnaðarsamkomulag milli Ronaldo og frúarinnar vekur umtal Fótbolti Orri á óskalista Real Sociedad Fótbolti Albert segir ummæli gamla yfirmannsins áfall Fótbolti Tíminn naumur hjá KSÍ Íslenski boltinn Glenn rekinn frá Keflavík Íslenski boltinn Nketiah nálgast Nottingham Enski boltinn Fram með Bestu deildar örlögin í sínum höndum Íslenski boltinn Neuer leggur landsliðshanskana á hilluna Fótbolti Gísli og Hlynur skoruðu báðir Fótbolti Nýtt handboltalið í Eyjum Handbolti Fleiri fréttir Glenn rekinn frá Keflavík Fram með Bestu deildar örlögin í sínum höndum Keflavík í vandræðum: „Þetta er ekkert nema hausinn, það vantar einhverja trú“ Tíminn naumur hjá KSÍ Sjáðu mörkin átta úr sigrum Vals og Breiðabliks Vilja að Linda Líf verði kölluð í landsliðið Uppsöfnuð spjöld gætu haft áhrif: Tólf í banni Nik eftir veisluna í Laugardal: Viljum halda pressunni á Val KR slítur samstarfinu „án nokkurs fyrirvara“ Uppgjörið og viðtöl: Valur - Fylkir 2-0 | Bikarmeistararnir höfðu betur Uppgjörið: Þróttur - Breiðablik 2-4 | Miklir yfirburðir Blika í blíðunni KR áfrýjar niðurstöðu KSÍ KSÍ hafnar kröfu KR „Hann setti á sig súperman-skikkju“ Ólafur Karl þénaði mest af leikmönnum Bestu deildarinnar í fyrra Lítil hamingja á heimavelli hamingjunnar Stúkan ræddi kæru KR-inga: „Mér finnst hún skandall og ekkert annað“ Sjáðu Blikana nýta sér hjálp Skagamanna og ná í skottið á toppliði Víkings Hafði gott af of löngu banni „Ég ætla rétt að vona að menn hafi ekki verið að spara sig“ Ísak Snær: Held að það sé alltaf einhvers staðar þarna aftast í hausnum „Við vorum tilbúnir að þjást“ Uppgjörið: Víkingur R. - ÍA 1-2 | Skagamenn fyrstir til að vinna í Víkinni Uppgjörið og viðöl: FH - Valur 2-2 | Ótrúleg dramatík í Kaplakrika Uppgjörið: Breiðablik - Fram 3-1 | Jafna Víking að stigum á toppnum Hafa unnið alla leiki á móti Fram í heilan áratug Víkingur fær hvíld milli Evrópuleikjanna Sjáðu mörkin úr fallslögunum og jafnteflinu fyrir norðan Jákvætt að aðstoðarþjálfarinn sé ekki á bekknum Kæra KR tekin fyrir á morgun Sjá meira
Matthew Eliason varð skyndilega heimsfrægur þegar hjólhestaspyrna hans í æfingaleik með Lionel Messi rataði á YouTube. Matthew leikur þessa dagana á Íslandi með Þrótti en hann skaut Þrótti í 8 liða úrslit Borgunarbikarsins á dögunum gegn Stjörnunni. Matthew var nokkuð brattur þegar Fréttablaðið heyrði í honum. „Þessi leikur tók á en það var frábært að ná sigrinum. Það er leikur á föstudaginn svo ég gæti þurft að skella mér í ísbað í dag,“ sagði Matthew sem er ánægður í herbúðum Þróttar. „Það gekk vel allt frá byrjun. Strákarnir voru duglegir að skapa færi fyrir mig sem gerði mér auðveldara fyrir. Við fórum í æfingaferð til Englands þar sem ég lærði inn á liðið og liðsfélagana og það hjálpaði mér gríðarlega. Ég hafði aldrei spilað einn í fremstu víglínu áður en mér hefur tekist það vel hingað til,“ sagði Matthew sem var ánægður með móttökurnar í liðinu. „Ég hef reynt að kynnast strákunum og ég gæti ekki hafa fengið betri hóp, held ég. Þeir hafa hjálpað mér að setjast að í nýju umhverfi. Ég er frá Chicago svo það að flytja til Reykjavíkur er töluverð breyting fyrir mig. Reykjavík er töluvert minni borg. Ég sakna fjölskyldu minnar í Chicago en strákarnir hafa hjálpað mér. Fjölskyldumeðlimir mínir hlógu þegar ég sagðist vera að fara til Íslands að spila. Fólk er alltaf að spyrja mig út í Bláa lónið og myndina Mighty Ducks 2. Ég var spurður hvort allir hérna á Íslandi hétu Gunnar eins og söguhetjan í myndinni,“ sagði Matthew og hló.Heimsfrægur Matthew varð heimsfrægur þegar hann skoraði með hjólhestaspyrnu í æfingaleik fyrir ári. Sendingin kom frá engum öðrum en Thierry Henry en í röðum andstæðinganna var Lionel Messi. „Ég hef lent í því að vera kallaður hjólarastrákurinn. Það var frábært að fá þessa umfjöllun og ég fór á reynslu til nokkurra liða út frá þessu. Þetta var frábær lífsreynsla að taka þátt í þessum leik og allt sem kom út frá þessu. Það hefur komið mér alla leiðina til Íslands svo hlutirnir virkuðu vel. Gregg Ryder, þjálfari Þróttar, hringdi í mig og bauð mér samning á hárréttum tíma,“ sagði Matthew en hann var fjármálaráðgjafi í Chicago áður en hann hélt til Íslands. Hann er í tímabundnu leyfi frá vinnu. „Ég er enn þá starfsmaður fyrirtækisins en er í tímabundnu leyfi og fæ því ekki laun. Þeir voru afar skilningsríkir á að ég væri að láta drauminn rætast með því að koma til Íslands. Ég átti eflaust inni hjá þeim eftir að markið jók viðskipti fyrirtækisins gríðarlega. Þeir voru skilningsríkir og ég er þakklátur fyrir það.“ Matthew er kominn með aukavinnu sem blaðamaður hjá Iceland Magazine. „Mér leiddist að gera ekkert með fótboltanum og þegar Þróttur talaði um fjölmiðlastarf stökk ég á það. Þetta gefur mér aukið tækifæri til að læra um íslenska menningu,“ sagði Matthew.Skilur Klinsmann Njósnateymi bandaríska landsliðsins er sífellt að reyna að finna leikmenn um allan heim sem hafa ekki spilað landsleik og eiga möguleika á því að fá bandarískan ríkisborgararétt. Flestir Íslendingar ættu að kannast við mál Arons Jóhannssonar en hann er ekki sá eini. Alls eru fimm leikmenn í bandaríska hópnum sem eru upprunalega þýskir. „Fótbolti er á uppleið í Bandaríkjunum og fólk vill eflaust sjá sanna Bandaríkjamenn spila fyrir landsliðið, það gefur ungliðastarfinu byr undir báða vængi. Að mínu mati er þetta hins vegar aðeins jákvætt fyrir knattspyrnuna í Bandaríkjunum. Þýskaland framleiðir betri fótboltamenn og ef þeir eiga bandaríska foreldra er ekkert að því að bjóða þeim að spila með okkur. Það þarf ekkert að skammast sín fyrir þetta, það má sjá þetta hjá stórliðunum líka eins og Diego Costa sannaði,“ sagði Matthew sem telur að aðkoma betri leikmanna geti aðeins styrkt landsliðið til lengri tíma. „Það eykur styrkleikann á æfingum sem er gott fyrir liðið. Ungir leikmenn sem koma inn í landsliðshópinn munu spila með betri leikmönnum og það eykur gæðin í hópnum til lengri tíma,“ sagði Matthew en mark hans gegn Messi og félögum má sjá hér fyrir neðan.
Pepsi Max-deild karla Tengdar fréttir Umfjöllun, viðtöl og myndir: Stjarnan - Þróttur 0-1 | Eliason hetja Þróttara Þróttur er kominn í 8-liða úrslit Borgunarbikarsins eftir sigur á Stjörnunni í framlengdum leik. 18. júní 2014 12:39 Mest lesið Skilnaðarsamkomulag milli Ronaldo og frúarinnar vekur umtal Fótbolti Orri á óskalista Real Sociedad Fótbolti Albert segir ummæli gamla yfirmannsins áfall Fótbolti Tíminn naumur hjá KSÍ Íslenski boltinn Glenn rekinn frá Keflavík Íslenski boltinn Nketiah nálgast Nottingham Enski boltinn Fram með Bestu deildar örlögin í sínum höndum Íslenski boltinn Neuer leggur landsliðshanskana á hilluna Fótbolti Gísli og Hlynur skoruðu báðir Fótbolti Nýtt handboltalið í Eyjum Handbolti Fleiri fréttir Glenn rekinn frá Keflavík Fram með Bestu deildar örlögin í sínum höndum Keflavík í vandræðum: „Þetta er ekkert nema hausinn, það vantar einhverja trú“ Tíminn naumur hjá KSÍ Sjáðu mörkin átta úr sigrum Vals og Breiðabliks Vilja að Linda Líf verði kölluð í landsliðið Uppsöfnuð spjöld gætu haft áhrif: Tólf í banni Nik eftir veisluna í Laugardal: Viljum halda pressunni á Val KR slítur samstarfinu „án nokkurs fyrirvara“ Uppgjörið og viðtöl: Valur - Fylkir 2-0 | Bikarmeistararnir höfðu betur Uppgjörið: Þróttur - Breiðablik 2-4 | Miklir yfirburðir Blika í blíðunni KR áfrýjar niðurstöðu KSÍ KSÍ hafnar kröfu KR „Hann setti á sig súperman-skikkju“ Ólafur Karl þénaði mest af leikmönnum Bestu deildarinnar í fyrra Lítil hamingja á heimavelli hamingjunnar Stúkan ræddi kæru KR-inga: „Mér finnst hún skandall og ekkert annað“ Sjáðu Blikana nýta sér hjálp Skagamanna og ná í skottið á toppliði Víkings Hafði gott af of löngu banni „Ég ætla rétt að vona að menn hafi ekki verið að spara sig“ Ísak Snær: Held að það sé alltaf einhvers staðar þarna aftast í hausnum „Við vorum tilbúnir að þjást“ Uppgjörið: Víkingur R. - ÍA 1-2 | Skagamenn fyrstir til að vinna í Víkinni Uppgjörið og viðöl: FH - Valur 2-2 | Ótrúleg dramatík í Kaplakrika Uppgjörið: Breiðablik - Fram 3-1 | Jafna Víking að stigum á toppnum Hafa unnið alla leiki á móti Fram í heilan áratug Víkingur fær hvíld milli Evrópuleikjanna Sjáðu mörkin úr fallslögunum og jafnteflinu fyrir norðan Jákvætt að aðstoðarþjálfarinn sé ekki á bekknum Kæra KR tekin fyrir á morgun Sjá meira
Umfjöllun, viðtöl og myndir: Stjarnan - Þróttur 0-1 | Eliason hetja Þróttara Þróttur er kominn í 8-liða úrslit Borgunarbikarsins eftir sigur á Stjörnunni í framlengdum leik. 18. júní 2014 12:39