Ronaldo gaf liðsfélögum sínum rándýr úr

Cristiano Ronaldo hefur farið á kostum með Real Madrid á tímabilinu, en þessi ótrúlegi leikmaður er markahæstur í spænsku úrvalsdeildinni með 25 mörk í aðeins 14 leikjum.

Ronaldo skoraði tvö mörk í 1-4 sigri Real Madrid á Almeria á föstudaginn, en fyrir leikinn gaf hann öllum liðsfélögum sínum úr sem þakklætisvott fyrir hjálp þeirra í gegnum tíðina.

Úrin eru ekki af ódýrari gerðinni, en í hvert þeirra er nafn viðkomandi leikmanns grafið, auk skammstöfunarinnar CR7 og orðanna „La Decima“ sem vísar til Evrópumeistaratitilsins sem Real Madrid vann í vor.

Úrin eru frá ítalska fyrirtækinu Bulgari, en hvert stykki kostaði um 1,2 milljónir króna.

Bakvörðurinn Alvaro Arbeloa var fyrstur til að birta mynd af sér með úrið á Instagram-síðu sinni og af henni að dæma virðist hann afar lukkulegur með gjöfina frá Ronaldo.

Camino de Almería con este detallazo de @cristiano con la plantilla con motivo de #LaDécima

Zdjęcie zamieszczone przez użytkownika Á L V A R O A R B E L O A (@17arbeloa) Gru 12, 2014 at 2:15 PST