Sundkonan Inga Elín Cryer bætti Íslandsmet á HM í 25 m laug í Doha í Katar annan daginn í röð. Í þetta sinn í 400 m skriðsundi er hún synti á 4:11,61 mínútu.
Íslandsmet hennar í greininni var 4:13,23 og er þetta því bæting um rúma eins og hálfa sekúndu. Hún bætti metið sitt í 800 m skriðsundi í gær um þrjár sekúndur.
Hún hafnaði í 27. sæti í greininni af alls 53 keppendum og komst því ekki áfram í undanúrslit, ekki frekar en aðrir Íslendingar sem kepptu á mótinu í dag.
Kolbeinn Hrafnkelsson varð í 55. sæti af 107 keppendum í 50 m baksundi er hann synti á 26,10 sekúndum. Hann var nokkuð frá sínu besta í greininni.
Kristinn Þórarinsson hafnaði í 48. sæti í sömu grein á 25,41 sekúndu. Hans besti tími í greininni er 25,18 sekúndur en Íslandsmet Arnar Arnarssonar er 24,05 sekúndur.
Eygló Ósk Gústafsdóttir varð tíunda í 200 m baksundi á 2:04,97 mínútum og var 0,19 sekúndum frá Íslandsmeti sínu. Engin undanúrslit voru í greininni og því aðeins átta bestu sem komust beint áfram í úrslitin.
Hrafnhildur Lúthersdóttir bætti Íslandsmet sitt í 100 m bringusundi er hún synti á 1:06,26 mínútum. Hún hafnaði í 22. sæti af 56 keppendum.
Kristófer Sigurðsson varð í 52. sæti af 80 keppendum í 400 m skriðsundi. Hann synti á 3:53,43 mínútum en náði ekki að bæta sinn besta árangur.
Daníel Helgi Pálsson hafnaði í 53. sæti í sömu grein. Hann kom í mark á 3:57,25 mínútum en hann á best 3:54,90 mínútur. Örn á einnig Íslandsmetið í greininni sem er 3:48,83 mínútur.
Kristinn Þórarinsson keppti í 200 m fjórsundi og varð í 30. sæti á 2:02,24 sekúndum af alls 50 keppendum.
Annað Íslandsmet hjá Ingu Elínu
Tengdar fréttir
Hrafnhildur bætti Íslandsmet í Doha
Komst ekki áfram í 100 m bringusundi á HM í 25 m laug.
Hrafnhildur þremur sætum frá undanúrslitum - enginn komst áfram
Íslensku keppendurnir hófu í morgun keppni á heimsmeistaramótinu í 25 metra laug sem fer fram í Katar næstu daga. Sundspekingurinn Magnús Tryggvason hefur tekið saman árangur Íslendinganna í morgun.
Eygló bætti Íslandsmet í Doha
Komst þó ekki í undanúrslit í 100 m flugsundi á HM í 25 m laug.
Strákarnir settu nýtt Íslandsmet í Katar
Karlasveit Íslands í sundi setti í morgun nýtt Íslandsmet í 4 x 100 metra skriðsundi á heimsmeistaramótinu í 25 metra laug sem fer fram þessa dagana í Doha höfuðborg Katar.
Inga Elín stórbætti Íslandsmetið
Bætti metið um rúmar þrjár sekúndur og sinn besta árangur um sex sekúndur.
Eygló komst ekki áfram
Var nálægt Íslandsmeti sínu í 200 m baksundi en hafnaði í tíunda sæti.
Stelpurnar og strákarnir hjálpuðust við að setja nýtt Íslandsmet
Íslenska sundfólkið landaði þriðja Íslandsmetinu á heimsmeistaramótinu í 25 metra laug í Doha höfuðborg Katar í dag. Áður höfðu þær Eygló Ósk Gústafsdóttir og Inga Elín Cryer sett met í einstaklingsgreinum dagsins.
