Erfiðara fyrir Messi og Ronaldo að skora í ítalska boltanum

Lionel Messi og Cristiano Ronaldo eru í sérflokki í fótboltanum í dag en til er maður sem efast um hvort þeir myndu vera eins öflugir í ítalska boltanum.

Sá heitir Fernando Llorente en hann spilar með Ítalíumeisturum Juventus.

„Messi og Ronaldo eru frá annarri plánetu en ég væri til í að sjá þá í ítalska boltanum," sagði Llorente.

„Varnirnar eru ótrúlega þéttar hérna og margir leikmenn fyrir aftan boltann. Það yrði erfiðara fyrir þá að skora á Ítalíu."

Llorente verður á ferðinni með Juventus í kvöld er liðið spilar afar mikilvægan leik í Meistaradeildinni gegn Atletico Madrid.

Juventus þarf að fá stig í leiknum til þess að komast áfram í keppninni.