Honey Boo Boo tekin af dagskrá

Raunveruleikaþættirnir Here Comes Honey Boo Boo hafa verið teknir af dagskrá á sjónvarpsstöðinni TLC eftir að fjölmiðlar vestan hafs héldu því fram að Mama June, móðir Honey Boo Boo, sem heitir réttu nafni Alana Thompson, væri í sambandi með kynferðisafbrotamanni.

„TLC hefur tekið seríuna Here comes Honey Boo Boo af dagskrá og bundið enda á allt sem tengist henni. Eina sem er í forgangi hjá okkur er að passa heilsu og velferð þessara yndislegu barna,“ segja forsvarsmenn TLC í tilkynningu til tímaritsins Us Weekly.

Vefsíðan TMZ sagði frá því í gær að Mama June, sem heitir réttu nafni Shannon, sé í sambandi með Mark McDaniel sem var dæmdur fyrir að misnota átta ára ættingja Shannons kynferðislega. Hann var dæmdur í fangelsi í júní árið 2004 en Shannon heldur því fram að þau hafi verið í sambandi fyrir tíu árum síðan.

Shannon tjáði sig um fréttirnar á Facebook-síðu dóttur sinnar, Alönu.

„Ég vil skrifa færslu til að blása á kjaftasögurnar. Munið að þið megið ekki trúa því sem þið lesið! Ég lofa að börnin mín eru í forgangi. Ég myndi aldrei setja þau í hættu út af þessu eða öðru. Þau eru líf mitt,“ skrifar Shannon.

„Þetta er fortíð mín. Ég fór frá honum fyrir tíu árum og færi ekki aftur til hans.“

Post by Alana Thompson (Honey Boo Boo).