Auðvelt hjá Real

Real Madrid fór auðveldlega með Levante á útivelli í dag, en Cristiano Ronaldo heldur áfram að skora fyrir Madrídarliðið.

Cristiano Ronaldo var fyrstur á blað, en hann skoraði úr vítaspyrnu eftir þrettán mínútna leik. Javier Hernandez skoraði annað mark Real eftir 38. mínútu og staðan 2-0 í hálfleik.

Ronaldo var ekki hættur. Hann skoraði annað mark sitt og þriðja mark Real eftir klukkutímaleik og James Rodriguez bætti við marki stuttu síðar.

Isco rak svo síðasta naglann í líkkistu Levante átta mínútum fyrir leikslok og lokatölur 5-0. Real er stigi á eftir Barcelona sem á þó leik til góða á Madrídarliðið.