Ancelotti: Fótbolti er ekki fyrir litlar stelpur

Carlo Ancelotti, knattspyrnuþjálfari Real Madrid, lét hafa eftir sér afar umdeild stuttu fyrir leik Real Madrid og Atletico Madrid.

Segir hann að leikmenn sínir þurfi að vera tilbúnir hörkunni í leiknum og að fótbolti sé ekki fyrir stelpur heldur karlmenn.

Ancelotti sem er einn af sigursælustu knattspyrnustjórum heims náði góðum árangri með Real Madrid en hann þurfti að horfa á eftir spænska deildarmeistaratitlinum til nágranna sinna í Atletico Madrid. Þótti það nokkuð óvænt en Real Madrid hafði betur í leik liðanna í úrslitum Meistaradeildarinnar.

Leikmenn Atletico hafa verið gagnrýndir fyrir að spila fastan varnarleik undir stjórn Diego Simeone en Ancelotti var ósammála þeirri gagnrýni.

„Þeir eru ekki ofbeldisfullir, þeir eru harðir í horn að taka og verjast af ákefð. Fótbolti er ekki leikur fyrir litlar stelpur, þetta er leikur fyrir karlmenn.“