Evrópuævintýrum Hauka og ÍBV lokið

Íslandsmeistarar ÍBV og bikarmeistarar Hauka í handbolta féllu bæði úr leik í EHF-bikarnum í handbolta í dag.

ÍBV tapaði báðum leikjunum gegn ísraelska liðinu Maccabi í Vestmannaeyjum en ÍBV var lengi vel yfir í leiknum í dag en töpuðu að lokum með tveimur mörkum 27-25 en Maccabi vann fyrri leikinn með fimm marka mun.

Haukar unnu eins marks sigur á Dinamo Astrakhan í Rússlandi 26-25 en töpuðu fyrri leiknum með tveggja marka mun og féllu því naumlega úr leik.

Haukar voru þremur mörkum yfir þegar skammt var til leiksloka en rússneska liðið skoraði tvö síðustu mörkin og tryggði sér sæti í næstu umferð.