Lamdi ólétta unnustu sína

Ray McDonald, leikmaður San Francisco 49ers, hefur verið handtekinn grunaður um að hafa gengið í skrokk á óléttri unnustu sinni.

Hann var handtekinn í gær en búið er að borga fyrir lausn hans úr steininum. Í bili að minnsta kosti.

49ers segist vera að skoða málið og kemur meira frá félaginu síðar.

NFL-deildin er farin í mikla herferð gegn heimilisofbeldi en sú herferð kemur í kjölfar þess að Ray Rice, leikmaður Baltimore, fékk aðeins tveggja leikja bann eftir að hann rotaði unnustu sína.

Nýjar reglur NFL kveða á um að ef leikmenn verða uppvísir að heimilisofbeldi þá geta þeir fengið sex leikja bann í deildinni.

Ef þeir brjóta tvisvar af sér á slíkan hátt þá geta leikmenn fengið lífstíðarbann.