Ný sigdæld við Dyngjujökul

Nokkuð djúp sigdæld hefur myndast við Dyngjujökul sem er um eins kílómeters löng. 

Í gær var ákveðið að rýma svæðið næst gosstöðvunum í Holuhrauni og setja upp innri lokun þar við. Þetta var gert vegna mikils óróa, sem kom fram á mælum.

Aukinn gosórói er enn á svæðin í kringum Holuhraun og Dyngjujökul.

Ljósmyndina sem fylgir fréttinni tók flugmaður Mýflugs, Fáfnir Árnason, seint í gær af sprungunni og sigdældinni suðvestan gossprungunnar, norðan við sporð Dyngjujökuls.