Leikmenn Inter mættir til landsins | Myndir

Leikmenn Internatzionale frá Ítalíu lentu á Íslandi rétt eftir hádegi í dag og voru mættir upp á hótel rétt fyrir klukkan tvö.

Þrátt fyrir að leikmenn eins og Gary Medel og Rodrigo Palacio séu ekki með Inter í einvíginu vantar ekki stjörnunar í leikmannahóp Inter. Ættu flestir sparkspekingar Íslands að kannast við leikmenn á borð við Nemanja Vidic, fyrrum fyrirliða Manchester United, Hernanes, landsliðsmann Brasilíu og varaforseta Inter og fyrrverandi leikmann liðsins, Javier Zanetti.

Arnþór Birkisson, ljósmyndari Vísis og Fréttablaðsins náði þessum myndum er leikmenn Inter komu á hótelið en myndasyrpuna má sjá hér fyrir ofan og nokkrar af þeim bestu hér fyrir neðan.