Valencia kaupir heimsmeistara

Valencia hefur fest kaup á þýska varnarmanninum Shkodran Mustafi frá Sampdoria. Hann skrifaði undir fimm ára samning við spænska liðið.

Mustafi, sem á albanska foreldra, gekk til liðs við Sampdoria í janúar 2012 frá Everton þar sem hann hafði verið í þrjú ár án þess að hafa náð að spila deildarleik. Mustafi lék 51 leik með ítalska liðinu og skoraði eitt mark.

Mustafi, sem er 22 ára, varð heimsmeistari með Þjóðverjum í sumar, en hann tók þátt í þremur leikjum þýska liðsins í Brasilíu.