Veiði

Laugardalsá fer vel af stað

Karl Lúðvíksson skrifar
Guðbrandur Haraldsson með 89 sm nýgengin lax úr Laugardalsá
Guðbrandur Haraldsson með 89 sm nýgengin lax úr Laugardalsá Mynd: Helgi Guðbrandsson
Laugardalsá opnaði í fyrradag og veiðimönnum til mikillar ánægju  var lax að finna nokkuð víða í ánni og allt vel haldinn tveggja ára lax.

Nýjir leigutakar tóku við ánni í vetur og er þetta fyrsta sumarið  sem þeir eru með ánna.  Nú er eingöngu veitt á flugu og kvótamörk sett á veiðimenn til að vinna markvisst að því að byggja upp stofninn í ánni og hafa veiðimenn tekið þessari breytingu vel því uppselt er í ánna fyrir utan að tvær stangir eru lausar í byrjun ágúst.  Helgi Guðbrandsson er einn af forsvarsmönnum Laugardalsár og við heyrðum í honum eftir opnun hennar.  "Við lönduðum 2 Löxum 76 og 89 cm og settum í 4 til viðbótar sem við náðum ekki að landa. Það var flott vatn í anni og við urðum varir við fisk á nokkrum stöðum. Við sáum lika nokkra fallega tveggja ára laxa við stigann i gljúfrinu og vonandi sjást fleiri mæta á næstu dögum. Það verður gaman að fylgjast með hvernig veiðist næstu daga".  

 

Stangveiði

Mest lesið




×

Mest lesið