Formúla 1

Smedley: Massa nýtur frelsis hjá Williams

Kristinn Ásgeir Gylfason skrifar
Massa er ánægður hjá Williams
Massa er ánægður hjá Williams Vísir/Getty
Rob Smedley, fyrrum keppnisverkfræðingur Felipe Massa hjá Ferrari, segir að Massa gæti sýnt sínar bestu hliðar hjá Williams í ár.

Bæði Smedley og Massa fóru yfir til Williams frá Ferrari. Massa kom fyrir tímabilið en Smedley tók sér stutt frí og kom til liðsins fyrir aðra keppni tímabilsins. Smedley er nú yfirmaður þróunardeildar Williams.

„Ég þekki Felipe Massa mjög vel - ég þekki hann inn og út,“ sagði Smedley

„Hann er mjög, mjög góður ökumaður og hann hefur fengið visst frelsi hér til að gera það sem honum er borgað fyrir og hann er að skila því,“ hélt Smedley áfram.



Smedley leggur áherslu á að Massa sé kominn til Williams til að leiða liðið og veita starfsmönnum þess innblástur til frekari afreka.

„Hann veit hvernig á að gera það. Hann hefur fengið góða kennslu hvað það varðar - ég myndi telja Michael Schumacher einn þeirra - og nú er tími hans kominn (til að leiða lið). Hann er að standast þá ákskorun vel,“ sagði Rob Smedley.

Formúla

Tengdar fréttir

Massa er ánægður með Williams-bílinn

Felipe Massa er ánægður með afrakstur æfinganna í Jerez. Hann segir að bíllinn sé góður. Massa ekur nú fyrir Williams eftir að hafa ekki endurnýjað samning sinn við Ferrari í lok síðasta tímabils. Brasilíumaðurinn er bjartsýnn fyrir komandi tímabil.

Bílskúrinn: Hvað er að frétta eftir Bahrain?

Breski ökumaðurinn Lewis Hamilton á Mercedes vann keppnina í Bahrain, liðsfélagi hans, Nico Rosberg varð annar og Sergio Perez á Force India varð þriðji. Við förum yfir málin í Bílskúrnum, léttu hliðinni á Formúlu 1 hér á Vísi.

Æfingarnar lofa góðu fyrir Williams-bílinn

Bíll Williams liðsins er áreiðanlegur og fljótur ef marka má æfingar fyrir tímabilið í formúlu eitt. Þetta kemur liðinu skemmtilega á óvart, en það átti sitt versta tímabil í fyrra.

Bílskúrinn: Hvað er að frétta eftir Malasíu?

Bretinn Lewis Hamilton á Mercedes vann keppnina í Malasíu, liðsfélagi hans Nico Rosberg varð annar. Fjórfaldi heimsmeistarinn Sebastian Vettel á Red Bull varð þriðji. Við förum yfir málin í Bílskúrnum.

Mest lesið


Fleiri fréttir

Sjá meira


×

Mest lesið