Setur upp söngleik byggðan á ævi sinni á Broadway

Gloria Estefan hefur staðfest orðróm þess efnis að söngleikur um ævi og feril söngkonunnar verði settur upp á Broadway á næsta ári.

Gloria Estefan er fædd á Kúbu og hefur átt mikilli velgengni að fagna á ferlinum. Hún hefur meðal annars unnið til sjö Grammy verðlauna.

Söngleikurinn heitir On Your Feet, eftir vinsælu lagi söngkonunnar, og mun fara yfir feril hennar, sem dansara, sem leikkonu og söngkonu, auk þess sem fjallað verður bílslysið sem Estefan og hennar lið lentu í á tónleikaferðalagi í Bandaríkjunum árið 1990, þar sem hún lét næstum lífið af áverkum sínum. Hún náði sér að fullu og var farin aftur að syngja 10 mánuðum síðar.

Estefan tilkynnti einnig að áður en söngleikurinn verður settur á svið mun hún halda áheyrnarprufur í formi raunveruleikaþátta þar sem Estefan, ásamt dómurum, finna hæfileikaríka konu til að leika Gloriu þegar hún var ung.