Nýju lyfjaprófin þúsund sinni betri en þau gömlu

Lyfjaeftirlitsmenn eru vonandi búnir að fá góðan liðstyrk í baráttunni við ólögleg lyf í íþróttaheiminum því rannsóknarfólk í Bandaríkjunum telur sig vera búið að finna upp mun öflugri lyfjapróf.  Þetta kemur fram í frétt á BBC.

Nýju lyfjaprófin eru sögð vera tíu þúsund sinni betri en þau gömlu og það sem meira er að þau eru ekki dýr og það er hægt að nota sömu tæki og í dag. Þessi próf auka líka tímarammann sem ólögleg lyf mælast í líkama íþróttamannanna.

Nýju lyfjaprófin hafa verið í þróun í háskólanum í Texas í Arlington en rannsóknarfólkið á enn eftir að fá þau viðurkennd hjá American Chemical Society.

Nýju lyfjaprófin gátu með mun öflugri hætti en áður greint stera, örvandi lyf, alkóhól og þunglyndislyf í sýnunum.

Fréttamenn hafa sýnt þessu rannsóknum mikinn áhuga en ekkert hefur heyrst frá bandarískum eða alþjóðlegum lyfjaeftirlitsstofnunum. Verði rannsóknirnar viðurkenndar er nokkuð öruggt að það breytist fljótt.