Sá eini sem getur komið í veg fyrir stríð núna er Ólafur Ragnar

Hvaða vesen er á honum félaga Pútín, forseta Rússlands, þessa dagana? Ólafur Ragnar er nýbúinn að ræða við hann og kappinn ætlar bara að ráðast inn í Úkraínu.

Það fór svo vel á með þeim um daginn. Maður fékk svona á tilfinninguna að þessir tveir sterku leiðtogar, Pútín og Ólafur, ættu í svipuðu vinasambandi og Kim Jong-un og Dennis Rodman.

Rússland hefur gefið Úkraínu frest til kl 03:00 í nótt. Ég vona að Ólafur Ragnar sé á leið út á flugvöll núna, fljúgi til Rússlands og tali Pútin til.

Ef einhver getur það þá er það okkar eigin Dalai Lama Norðursins. Það væri við hæfi að hann hitti Pútín í „höfuðborg Norðurslóða“ Pétursborg og tjónkaði við hann þar.

Ólafur hefur nú stöðvað margar hamfarirnar. Ef einhver getur komið í veg fyrir þetta stríð þá er það hann.