Framandi kjötbollur - UPPSKRIFT

Hjónin Ásta og Pétur deila uppskrift að marokkóskum kjötbollum með lesendum Fréttablaðsins en þau halda úti blogginu Matur og með því.

Marokkóskar kjötbollur (Kefta) í kryddsósu

KJÖTBOLLURNAR



500 g lambahakk

2 msk. sýrður rjómi

2 tsk. paprika

1 tsk. malað cumin

1 tsk. malað kóríander

1 tsk. kanill

¼ tsk. rifið múskat

¼ tsk. cayenne-pipar

2 msk. af saxaðri ferskri steinselju og kóríander



Setjið öll hráefni í skál, blandið vel saman og mótið litlar kjötbollur.

SÓSAN

1 rauðlaukur, rifinn á rifjárni

2 msk. smjör

4 msk. af saffran vatni (4 msk. volgt vatn og smá af saffrani)

1 tsk. paprika

½ tsk. malað cumin

¼ tsk. malað engifer

1 dl vatn

4 msk. saxað ferskt kóríander – ekkert að því að nýta stilkana líka.

2 msk. sítrónusafi

Setjið öll hráefni nema 1 msk. af kóríander og sítrónusafa á stóra pönnu og steikið á meðalháum hita í 10 mín. Lækkið niður í meðallágan hita og bætið kjötbollum út í. Setjið lok á pönnuna og eldið í 30 mín. Snúið kjötbollunum eftir 15 mín.

Þegar kjötbollurnar eru fulleldaðar bætið þá sítrónusafa út í og salt og pipar eftir smekk. Stráið 1 msk. af kóríander yfir og berið fram.