Dujmovits skákaði Þjóðverjanum | Myndband

Julia Dujmovits er Vetrarólympíumeistari í samhliða svigi kvenna en hún vann sigur á Anke Karstens frá Þýskalandi í úrslitaviðureign.

Baráttan um gullið var æsispennandi eins og vill verða í þessari íþrótt og vann sú austurríska með naumindum og fagnaði eðlilega vel að lokum.

Dujmovits er ríkjandi háskólaleikameistari í samhliða stórsvigi og silfurverðlaunahafi frá heimsmeistaramótinu í fyrra.

Það er hennar sterkari grein en nú gerði hún sér lítið fyrir og vann sitt fyrsta Ólympíugull í samhliða svigi.

Þjóðverjar fengu tvenn verðlaun í kvennaflokki því Amelie Kober vann sigur á Corinna Boccacani frá Ítalíu í baráttunni um þriðja sætið.