Ólympíuleikarnir 2014 | Samantekt frá degi 5

Í lok hvers keppnisdags á Vetrarólympíuleikunum í Sotsjí verður allt það helsta gert upp í samantektarþætti hér á Vísi og Stöð 2 Sport. Nú er komið að keppni á degi fimm.

Þorkell Gunnar Sigurbjörnsson hefur umsjón með þættinum sem hefst klukkan 22.00. Þáttinn má sjá í heild sinni í spilaranum hér fyrir ofan.

Það voru sex Ólympíugull í boði í dag og fóru þau til sex landa. Þjóðverjar unnu tvær greinar á degi fimm en alls fengu níu íþróttamenn gull um hálsinn.

Ólympíumeistarar voru krýndir í eftirtöldum greinum í dag:

Brun kvenna:  Tina Maze frá Slóveníu og Dominique Gisin frá Sviss

Listhlaup para: Tatiana Volosozhar og Maxim Trankov frá Rússlandi

Tvímenningur í baksleðakeppni karla: Tobias Arlt og Tobias Wendl frá Þýskalandi

Norræn tvíkeppni karla (minni pallur): Eric Frenzel frá Þýskalandi

Hálfpípukeppni á snjóbrettum kvenna: Kaitlyn Farrington frá Bandaríkjunum

1000 metra skautahlaup karla: Stefan Groothuis frá Hollandi