Tvö­föld stig fyrir síðasta mótið í for­múlunni

Forráðamenn formúlu eitt hafa ákveðið að láta verða að hugmynd Bernie Ecclestone um að gefa tvöföld stig fyrir lokamótið á komandi keppnistímabili. Það var enginn sem mótmælti þessari nýjung á yfirmannafundi innan formúlu eitt og nýjan stigareglan verður því í gildi á árinu 2014.

Bernie Ecclestone, yfirmaður formúlunnar, telur að þessi nýbreytni muni hjálpa til að halda spennu í keppninni eins lengi og mögulegt er en Þjóðverjinn Sebastian Vettel vann yfirburðarsigur á síðasta tímabili.

Sebastian Vettel hefur nú unnið heimsmeistaratitil ökumanna fjögur ár í röð en hann tryggðu sér titilinn í fyrra þegar þrjú mót voru enn eftir.

Þrír heimsmeistaratitlar hefðu farið annað ef þetta stigakerfi hefði verið í gildi síðustu ár. Fernando Alonso hefði þá tekið titilinn af Sebastian Vettel árið 2012, Felipe Massa hefði komist upp fyrir Lewis Hamilton árið 2008 og árið 2003 hefði Kimi Raikkonen tryggt sér titilinn í lokamótinu en þá vann Michael Schumacher.