Elvar Már: Þurfum að vinna toppliðin

Elvar Már Friðriksson, sem valinn var besti leikmaður fyrri hluta tímabilsins í Domino's-deild karla, segir að Njarðvík eigi möguleika á að vinna Íslandsmeistaratitilinn í vor. Hann var ánægður með útnefninguna í dag.

„Þetta er gríðarlegur heiður enda höfðu allir fimm í úrvalsliðinu getað fengið þessi verðlaun,“ sagði Elvar Már í viðtali við Arnar Björnsson í dag.

„Þetta hefur gengið ágætlega í vetur og betur en síðustu ár. Við höfum þó tapað fyrir öllum toppliðunum og vonandi breytum við því á nýju ári,“ bætti hann við en viðtalið má sjá í heild sinni hér fyrir ofan.