Vefsíða opnuð um skuldamál

Búið er að koma upp kynningarefni um aðgerðaráætlun ríkisstjórnarinnar um höfuðstólslækkun húsnæðislána á vef forsætisráðuneytisins.

Hægt er að finna efnið á slóðinni Skuldaleidretting.is.

Samkvæmt tilkynningu frá forsætisráðuneytinu er sérstök athygli vakin á liðnum „Spurt og svarað“ þar sem finna má svör við hinum ýmsu spurningum sem geta vaknað varðandi aðgerðaáætlunina.

Ríkisstjórn Íslands tilkynnti um áætlunina í Hörpu á laugardag og vakti fundurinn að vonum mikla athygli. Síðan þá hafa margir spurt sig hvert þeir geta snúið sér varðandi sínar leiðréttingar.