Fjórtán ára undrabarn Jónas Sen skrifar 9. október 2013 09:00 Daniel Kharitonov "Mozart lék í höndum hans.“ Tónlist Daniel Kharitonov lék einleik með Moscow Virtuosi undir stjórn Vladimir Spivakov. í Eldborg Hörpu föstudaginn 4. október. Daniel Kharitonov píanóleikari er ekki þrettán ára eins og stóð á heimasíðu Hörpu. Hann er fæddur 22. desember 1998 og er því að verða fimmtán ára. Kharitonov kom fram á tónleikum kammersveitarinnar Moscow Virtuosi í Hörpu á föstudagskvöldið. Hann lék einleik í píanókonserti nr. 12 eftir Mozart og stjórnandi var Vladimir Spivakov. Þrátt fyrir að aldur einleikarans hafi valdið nokkrum ruglingi er engum blöðum um það að fletta að hann er frábær píanóleikari. Mozart lék í höndum hans. Tæknilega séð gerir verkið ekki neinar brjálæðislegar kröfur til flytjandans. En það er fullt af skáldskap sem þarf að koma til skila. Kharitonov gerði það sérlega fallega, tónlistin var lifandi, björt og hrein, alveg eins og Mozart á að hljóma. Sem aukalag spilaði Kharitonov etýðu op. 39 nr. 9 eftir Rakmaninoff. Hún var glæsileg. Flutningurinn var skemmtilega rytmískur, yfirvegaður og skýr, en samt afar kröftugur. Endirinn var stórfengleg flugeldasýning sem kallaði á sterk viðbrögð áheyrenda. Langt er síðan ég hef heyrt svo flottan píanóleik. Hljómsveitin var líka mögnuð. Fyrsta tónsmíðin á dagskránni, sinfónía nr. 29 eftir Mozart, var að vísu dálítið yfirkeyrð. Hraðinn var talsvert mikill, kannski um of. Þessi tónlist er svo falleg ef hún fær að njóta sín og er gefinn tími til að flæða eðlilega. Serenaða fyrir strengi eftir Tsjaíkovskí var hins vegar meistaraleg. Samspilið var ótrúlega nákvæmt og jafnt. Hljóðfæraleikararnir spiluðu eins og einn maður, bæði lágværa hljóma og hröð nótnahlaup. Túlkunin var rómantísk og ástríðuþrungin, einmitt í anda tónskáldsins. Útkoman var mergjuð. Aukalögin vöktu lukku, ungverskur dans nr. 5 eftir Brahms og Libertango eftir Piazzolla. Gríðarlegt fjör skapaðist í salnum, sérstaklega í tangóinum. Í lokin tók hljómsveitarstjórinn stórt stökk, sneri sér við og baðaði út öllum öngum. Þvílíkur fílingur! Þetta vakti kátínu tónleikagesta sem risu á fætur og æptu af hrifningu – undirritaður þar á meðal.Niðurstaða: Skemmtilegir tónleikar með frábærum píanóleikara og líflegum stjórnanda. Gagnrýni Mest lesið Pamela slær á sögusagnirnar Lífið Tók sex ólíka stera fyrir hjartastoppið: „Þannig ég segi nei við sterum“ Lífið Glæsibústaðir yfir hundrað milljónum Lífið Nýupptekið grænmeti á Flúðum í dag og opnar garðyrkjustöðvar Lífið Allt ætlaði um koll að keyra í Borgarleikhúsinu Lífið Balta bregst bogalistin Gagnrýni Segir Candy hafa séð að faðir hans væri „skrímsli“ á undan öðrum Lífið Hætti að þurfa að ryksuga upp hárin eftir hverja sturtu Lífið samstarf Gamla TR-húsinu umbreytt í Hlemm.haus: „Augljóst að þörfin var gríðarleg“ Menning Glæsihöll Livar og Sverris á Arnarnesi til sölu Lífið Fleiri fréttir Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira
Tónlist Daniel Kharitonov lék einleik með Moscow Virtuosi undir stjórn Vladimir Spivakov. í Eldborg Hörpu föstudaginn 4. október. Daniel Kharitonov píanóleikari er ekki þrettán ára eins og stóð á heimasíðu Hörpu. Hann er fæddur 22. desember 1998 og er því að verða fimmtán ára. Kharitonov kom fram á tónleikum kammersveitarinnar Moscow Virtuosi í Hörpu á föstudagskvöldið. Hann lék einleik í píanókonserti nr. 12 eftir Mozart og stjórnandi var Vladimir Spivakov. Þrátt fyrir að aldur einleikarans hafi valdið nokkrum ruglingi er engum blöðum um það að fletta að hann er frábær píanóleikari. Mozart lék í höndum hans. Tæknilega séð gerir verkið ekki neinar brjálæðislegar kröfur til flytjandans. En það er fullt af skáldskap sem þarf að koma til skila. Kharitonov gerði það sérlega fallega, tónlistin var lifandi, björt og hrein, alveg eins og Mozart á að hljóma. Sem aukalag spilaði Kharitonov etýðu op. 39 nr. 9 eftir Rakmaninoff. Hún var glæsileg. Flutningurinn var skemmtilega rytmískur, yfirvegaður og skýr, en samt afar kröftugur. Endirinn var stórfengleg flugeldasýning sem kallaði á sterk viðbrögð áheyrenda. Langt er síðan ég hef heyrt svo flottan píanóleik. Hljómsveitin var líka mögnuð. Fyrsta tónsmíðin á dagskránni, sinfónía nr. 29 eftir Mozart, var að vísu dálítið yfirkeyrð. Hraðinn var talsvert mikill, kannski um of. Þessi tónlist er svo falleg ef hún fær að njóta sín og er gefinn tími til að flæða eðlilega. Serenaða fyrir strengi eftir Tsjaíkovskí var hins vegar meistaraleg. Samspilið var ótrúlega nákvæmt og jafnt. Hljóðfæraleikararnir spiluðu eins og einn maður, bæði lágværa hljóma og hröð nótnahlaup. Túlkunin var rómantísk og ástríðuþrungin, einmitt í anda tónskáldsins. Útkoman var mergjuð. Aukalögin vöktu lukku, ungverskur dans nr. 5 eftir Brahms og Libertango eftir Piazzolla. Gríðarlegt fjör skapaðist í salnum, sérstaklega í tangóinum. Í lokin tók hljómsveitarstjórinn stórt stökk, sneri sér við og baðaði út öllum öngum. Þvílíkur fílingur! Þetta vakti kátínu tónleikagesta sem risu á fætur og æptu af hrifningu – undirritaður þar á meðal.Niðurstaða: Skemmtilegir tónleikar með frábærum píanóleikara og líflegum stjórnanda.
Gagnrýni Mest lesið Pamela slær á sögusagnirnar Lífið Tók sex ólíka stera fyrir hjartastoppið: „Þannig ég segi nei við sterum“ Lífið Glæsibústaðir yfir hundrað milljónum Lífið Nýupptekið grænmeti á Flúðum í dag og opnar garðyrkjustöðvar Lífið Allt ætlaði um koll að keyra í Borgarleikhúsinu Lífið Balta bregst bogalistin Gagnrýni Segir Candy hafa séð að faðir hans væri „skrímsli“ á undan öðrum Lífið Hætti að þurfa að ryksuga upp hárin eftir hverja sturtu Lífið samstarf Gamla TR-húsinu umbreytt í Hlemm.haus: „Augljóst að þörfin var gríðarleg“ Menning Glæsihöll Livar og Sverris á Arnarnesi til sölu Lífið Fleiri fréttir Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira