Fyrirliðinn með fullt hús

Guðjón Valur Sigurðsson, fyrirliði íslenska landsliðsins, átti frábæran leik í sigrinum í Slóveníu á miðvikudagskvöldið og kórónaði síðan flotta frammistöðu með því að skora sigurmarkið á lokamínútunni.

Guðjón Valur hefur staðið sig frábærlega í þremur fyrstu leikjum undankeppninnar þar sem hann hefur skorað yfir tíu mörk að meðaltali í leik og á mikinn þátt í því að strákarnir okkar eru með fullt hús í sínum riðli.

Guðjón Valur er nú markahæsti leikmaður undankeppninnar með 31 mark í þremur leikjum alveg eins og Siarhei Rutenska, stórskytta Hvít-Rússa, en Guðjón Valur hefur mun betri skotnýtingu.