Spagettívestri sem fjallar um erfiða sögu Bandaríkjanna Sara McMahon skrifar 17. janúar 2013 06:00 Kvikmyndin Django Unchained er frumsýnd í kvikmyndahúsum annað kvöld. Myndin er sú nýjasta frá leikstjóranum Quentin Tarantino, en hann skrifar einnig handritið. Tarantino endurnýjar hér samstarf sitt við leikarana Christoph Waltz og Samuel L. Jackson. Django Unchained gerist í suðurríkjum Bandaríkjanna tveimur árum fyrir borgarastríðið og segir frá vináttu þrælsins Django og þýska hausaveiðarans og fyrrum tannlæknisins King Schultz. Tannlæknirinn hefur uppi á Django í von um að hann aðstoði sig við leitina að eftirlýstum glæpamönnum sem kallast Brittle-bræður. Django hafði áður orðið fyrir barðinu á þeim bræðrum og þekkir þá því í sjón, nokkuð sem Schultz gerir ekki. Schultz kaupir Django með því loforði að hann muni öðlast frelsi þegar Brittle-bræðurnir eru allir. Þegar Django hefur öðlast frelsi sitt slæst hann í för með Schultz með því skilyrði að þegar vetri lýkur munu þeir hætta hausaveiðunum um stund og hafa uppi á eiginkonu Djangos sem seld var í þrældóm til alræmds þrælahaldara að nafni Calvin J. Candie.Leonardo DiCaprio.Það er Jamie Foxx sem fer með hlutverk Django og austurríski leikarinn Christoph Waltz fer með hlutverk King Schultz. Kerry Washington fer með hlutverk hinnar þýskumælandi eiginkonu Django, Broomhildu von Shaft og með önnur hlutverk fara leikararnir Samuel L. Jackson og Leonardo DiCaprio. Leikstjórn og handritsskrif voru í höndum Quentins Tarantino sem talaði um myndina fyrst í viðtali við The Daily Telegraph árið 2007. "Mig langar að búa til kvikmyndir sem gera hræðilega sögu Bandaríkjanna að umfjöllunarefni sínu, en mig langar að gera þær í anda spagettívestranna. Ég vil gera mynd sem fellur inn í ákveðna kvikmyndagrein en tekur um leið á öllu því sem Bandaríkin hafa ekki tekist á við vegna skammar," sagði Tarantino. Samuel L. Jackson og Kerry Washington.Myndin hefur fengið góða dóma meðal gagnrýnenda og á vefsíðunni Rottentomatoes.com hlýtur hún 89 prósent í einkunn frá gagnrýnendum og 94 prósent frá hinum almenna áhorfanda. Á vefsíðunni Imdb.com fær hún 8,9 í einkunn og má því ætla að Tarantino muni sem fyrr ekki svíkja aðdáendur sína.Jamie Foxx í hlutverki Django.Mikið gekk á við tökurnar enda skartar myndin blóðbaði að hætti Tarantino. Menning Mest lesið Skoðanabræður hætta göngu sinni: „Takk fyrir okkur“ Lífið Hvetur fólk til að taka sjálfu með „þessu glæsiklofi“ Lífið Menningarperlan aftur komin í sitt gamla horf Lífið Hermína sem missti folald og móðurlaus Tígull fundu hvort annað Lífið Fann ástina á Balí en nýtur hennar í Kóreu Lífið „Stundum finnst mér hún vera farin þó hún sé enn á lífi“ Lífið „Þarna fylltist hjartað af hamingju“ Lífið Myndasyrpa úr Eyjum: „Út með kassann og áfram gakk“ Lífið Ekki vottur af vöðvabólgu Lífið Samband Gallagher-bræðra sagt á hálum ís Lífið Fleiri fréttir „Það var tímapunktur sem ég talaði aldrei um neitt“ Galdrakarlinn í Oz aftur á fjalirnar Nýr barnakór Hallgrímskirkju stofnaður Bogi hljóp í skarðið fyrir Kristbjörgu Kjeld og ærði áhorfendur Risastór menningarhátíð á Flateyri Ofboðslega falleg berskjöldun Nýjum listaverkum komið upp á Héðinsreitnum Sjá meira
Kvikmyndin Django Unchained er frumsýnd í kvikmyndahúsum annað kvöld. Myndin er sú nýjasta frá leikstjóranum Quentin Tarantino, en hann skrifar einnig handritið. Tarantino endurnýjar hér samstarf sitt við leikarana Christoph Waltz og Samuel L. Jackson. Django Unchained gerist í suðurríkjum Bandaríkjanna tveimur árum fyrir borgarastríðið og segir frá vináttu þrælsins Django og þýska hausaveiðarans og fyrrum tannlæknisins King Schultz. Tannlæknirinn hefur uppi á Django í von um að hann aðstoði sig við leitina að eftirlýstum glæpamönnum sem kallast Brittle-bræður. Django hafði áður orðið fyrir barðinu á þeim bræðrum og þekkir þá því í sjón, nokkuð sem Schultz gerir ekki. Schultz kaupir Django með því loforði að hann muni öðlast frelsi þegar Brittle-bræðurnir eru allir. Þegar Django hefur öðlast frelsi sitt slæst hann í för með Schultz með því skilyrði að þegar vetri lýkur munu þeir hætta hausaveiðunum um stund og hafa uppi á eiginkonu Djangos sem seld var í þrældóm til alræmds þrælahaldara að nafni Calvin J. Candie.Leonardo DiCaprio.Það er Jamie Foxx sem fer með hlutverk Django og austurríski leikarinn Christoph Waltz fer með hlutverk King Schultz. Kerry Washington fer með hlutverk hinnar þýskumælandi eiginkonu Django, Broomhildu von Shaft og með önnur hlutverk fara leikararnir Samuel L. Jackson og Leonardo DiCaprio. Leikstjórn og handritsskrif voru í höndum Quentins Tarantino sem talaði um myndina fyrst í viðtali við The Daily Telegraph árið 2007. "Mig langar að búa til kvikmyndir sem gera hræðilega sögu Bandaríkjanna að umfjöllunarefni sínu, en mig langar að gera þær í anda spagettívestranna. Ég vil gera mynd sem fellur inn í ákveðna kvikmyndagrein en tekur um leið á öllu því sem Bandaríkin hafa ekki tekist á við vegna skammar," sagði Tarantino. Samuel L. Jackson og Kerry Washington.Myndin hefur fengið góða dóma meðal gagnrýnenda og á vefsíðunni Rottentomatoes.com hlýtur hún 89 prósent í einkunn frá gagnrýnendum og 94 prósent frá hinum almenna áhorfanda. Á vefsíðunni Imdb.com fær hún 8,9 í einkunn og má því ætla að Tarantino muni sem fyrr ekki svíkja aðdáendur sína.Jamie Foxx í hlutverki Django.Mikið gekk á við tökurnar enda skartar myndin blóðbaði að hætti Tarantino.
Menning Mest lesið Skoðanabræður hætta göngu sinni: „Takk fyrir okkur“ Lífið Hvetur fólk til að taka sjálfu með „þessu glæsiklofi“ Lífið Menningarperlan aftur komin í sitt gamla horf Lífið Hermína sem missti folald og móðurlaus Tígull fundu hvort annað Lífið Fann ástina á Balí en nýtur hennar í Kóreu Lífið „Stundum finnst mér hún vera farin þó hún sé enn á lífi“ Lífið „Þarna fylltist hjartað af hamingju“ Lífið Myndasyrpa úr Eyjum: „Út með kassann og áfram gakk“ Lífið Ekki vottur af vöðvabólgu Lífið Samband Gallagher-bræðra sagt á hálum ís Lífið Fleiri fréttir „Það var tímapunktur sem ég talaði aldrei um neitt“ Galdrakarlinn í Oz aftur á fjalirnar Nýr barnakór Hallgrímskirkju stofnaður Bogi hljóp í skarðið fyrir Kristbjörgu Kjeld og ærði áhorfendur Risastór menningarhátíð á Flateyri Ofboðslega falleg berskjöldun Nýjum listaverkum komið upp á Héðinsreitnum Sjá meira