Lincoln með 10 Bafta-tilnefningar - Bond með átta

Lincoln fékk flestar tilnefningar til bresku Bafta-verðlaunanna, eða tíu talsins, þar á meðal fyrir bestu myndina og besta leikarann, Daniel Day-Lewis. Athygli vekur að leikstjóri myndarinnar, Steven Spielberg, hlaut ekki tilnefningu sem besti leikstjórinn.

Söngvamyndin Les Miserables og Life of Pi fengu hvor um sig níu tilnefningar. Þar á eftir kom Bond-myndin Skyfall með átta tilnefningar, þar á meðal sem besta breska myndin og fyrir besta meðleikarann, Javier Bardem. Bafta-verðlaunin verða afhent 10. febrúar.