Sjón, Jón Kalmann, Guðmundur Andri, Eiríkur og Vigdís fá Gullmiða

Nú rétt í þessu var tilkynnt um tilnefningar til hinna Íslensku bókmenntaverðlauna 2013 í Listasafni Íslands, svonefndan Gullmiða. Nýr flokkur var kynntur til sögunnar sem eru barna- og unglingabækur. Fimm bækur eru tilnefndar og og munu þær keppa um Íslensku bókmenntaverðlaunin og eina milljón sem fylgir þeim. Formenn dómnefndanna þriggja munu velja einn verðlaunahafa úr hverjum flokki ásamt forsetaskipuðum formanni lokadómnefndar. Íslensku bókmenntaverðlaunin 2013 verða afhent um mánaðamótin janúar-febrúar á komandi ári af forseta Íslands, Ólafi Ragnari Grímssyni, á Bessastöðum.

Fagurbókmenntirnar

Fagurbókmenntirnar njóta yfirleitt mestrar athygli og er þar fátt sem kemur á óvart, sé litið til greinar sem birtist í Fréttablaðinu fyrir viku, ef undan er skilinn Eiríkur Guðmundsson sem ekki var þar meðal kandídata. En, fleiri voru þar nefndir, margir kallaðir en fáir útvaldir. Dómnefnd skipuðu: Þorgerður Elín Sigurðardóttir – Formaður, Erna Guðrún Árnadóttir og Tyrfingur Tyrfingsson.

Eftirfarandi bækur eru tilnefndar:

Eiríkur Guðmundsson

1983

Útgefandi: Bjartur

Guðmundur Andri Thorsson

Sæmd

Útgefandi: JPV útgáfa

Jón Kalman Stefánsson

Fiskarnir hafa enga fætur

Útgefandi: Bjartur

Sjón

Mánasteinn – Drengurinn sem aldrei var til

Útgefandi: JPV útgáfa

Vigdís Grímsdóttir

Dísusaga – Konan með gulu töskuna

Útgefandi: JPV útgáfa

Fræðibækur og rit almenns efnis

Vatn er ofarlega á baugi í þessum flokki. Fáum kemur á óvart að Sölvi Björn Sigurðsson sé meðal þeirra sem fá tilefningu fyrir stórvirki sitt um vötn og veiði, né heldur það að Guðmundur Páll Ólafsson heitinn sé tilnefndur fyrir Vatnið í náttúru Íslands. Aðrar bækur komu einnig til álita í áðurnefndri grein í Fréttablaðinu. Dómnefnd skipuðu: Þóra Arnórsdóttir – Formaður, Hildigunnur Sverrisdóttir og Pétur Þorsteinn Óskarsson.

Eftirfarandi bækur eru tilnefndar:

Gísli Sigurðsson

Leiftur á horfinni öld – Hvað er merkilegt við íslenskar fornbókmenntir?

Útgefandi: Mál og menning

Guðbjörg Kristjánsdóttir

Íslenska teiknibókin

Útgefandi: Crymogea

Guðmundur Páll Ólafsson

Vatnið í náttúru Íslands

Útgefandi: Mál og menning

Jón Gauti Jónsson

Fjallabókin

Útgefandi: Mál og menning

Sölvi Björn Sigurðsson

Stangveiðar á Íslandi og Íslensk vatnabók

Útgefandi: Sögur

Barna- og unglingabækur

Þá er það nýji flokkurinn, barna- og unglingabækur og þar kemur ekki á óvart að sjá Andra Snæ Magnason. Nánast allir álitsgjafar Fréttablaðsins nefndu Tímavél Andra Snæs. Þá virðist Vilhelm Anton Jónsson ætla að gera gott mót með sinni fyrstu bók, hann fær tilnefningu auk þess sem hann hefur verið ofarlega á sölulistum. Dómnefnda þarna skipuðu: Dómnefnd skipuðu: Guðni Kolbeinsson – formaður dómnefndar, Helga Ferdinandsdóttir og Þorbjörg Karlsdóttir.

Eftirfarandi bækur eru tilnefndar:

Andri Snær Magnason

Tímakistan

Útgefandi: Mál og menning

Jóna Valborg Árnadóttir og Elsa Nielsen

Brosbókin

Útgefandi: Bókaútgáfan Salka

Sif Sigmarsdóttir

Freyju saga - Múrinn

Útgefandi: Mál og menning

Sigrún Eldjárn

Strokubörnin á Skuggaskeri

Útgefandi: Mál og menning

Vilhelm Anton Jónsson

Vísindabók Villa

Útgefandi: JPV útgáfa

Þýðingar

Samhliða tilnefningum til Íslensku bókmenntaverðlaunanna mun dómnefnd á vegum Bandalags þýðenda og túlka kynna þær fimm þýðingar sem tilnefndar eru til Íslensku þýðingaverðlaunanna. Bandalag þýðenda og túlka stendur fyrir Íslensku þýðingaverðlaununum og veitir Forseti Íslands þau á degi bókarinnar 23. apríl ár hvert á Gljúfrasteini.

Eftirfarandi bækur eru tilnefndar:

Rannsóknir – Iεtopiai eftir Heródótus frá Halikarnassus

Þýðandi: Stefán Steinsson

Útgefandi: Mál og menning

Ó – Sögur um djöfulsskap eftir Carl Jóhan Jensen

Þýðandi: Ingunn Ásdísardóttir

Útgefandi: Uppheimar

Ljóð 1954-2004 eftir Tomas Tranströmer

Þýðandi: Njörður P. Njarðvík

Útgefandi: Uppheimar

Sem ég lá fyrir dauðanum eftir William Faulkner

Þýðandi: Rúnar Helgi Vignisson

Útgefandi: Uppheimar

Rödd í dvala – La voz dormida eftir Dulce Chacón

Þýðandi: María Rán Guðjónsdóttir

Útgefandi: Sögur útgáfa