Skipaði sínum mönnum að vakna á Twitter

„Við verðum að taka hausinn út úr afturendanum á okkur og vakna," skrifaði eigandi Indianapolis Colts, Jim Irsay, alveg brjálaður á Twitter.

Þessi skrautlegi eigandi er allt annað en sáttur við gengi síns liðs upp á síðkastið. Liðið er búið að fá tvo slæma skelli upp á síðkastið og gæti verið að kasta frá sér heimavallarrétt í úrslitakeppninni.

Þetta er alls ekki í fyrsta skiptið sem Irsay lætur sína menn heyra það á Twitter og örugglega ekki í síðasta skiptið.

Colts á leik gegn Tennessee Titans um næstu helgi.