Atletico Madrid heldur sínu striki

Atletico Madrid vann þriðja leikinn í röð í spænsku úrvalsdeildinni í fótbolta í dag þegar liðið lagði Athletic Bilbao 2-0 í Madrid. Bæði mörkin komu í fyrri hálfleik.

David Villa kom Atletico Madrid yfir á 33. mínútu með sjötta markinu sínu á leiktíðinni og átta mínútum síðar skoraði Diego Costa 13. markið sitt á tímabilinu.

Atletico Madrid er í öðru sæti deildarinnar með 33 stig í tólf leikjum, stigi á eftir toppliði Barcelona. Athletic Bilbao er í fimmta sæti með 20 stig.