„Hver kaus þessa teboðsdrottningu sem formann?“

Erpur Eyvindarson tónlistarmaður og lífskúnstner hefur sagt skilið við Heimssýn, samtök sjálfstæðissinna í Evrópumálum.

Hann virðist ekki vera á eitt sáttur við nýjan formann og finnst of mikið af sirkusatriðum  í forsvari fyrir samtökin. Nýverið var Vigdís Hauksdóttir kjörinn formaður Heimssýnar.

„Var það einhver sjórekinn makríll sem kaus þessa teboðsdrottningu sem formann? Hvernig gerðist þetta eiginlega?“ spyr Erpur Eyvindarsson.

Ég mun halda baráttunni gegn evrópusambandinu áfram, enda skelfilegt samband. En ég hyggst gera það frekar undir merkjum Ísafoldar en merkjum Heimsýnar. Erpur segist eiga mjög erfitt með að styðja formann sem er ekki hressara eintak en þetta eins og hann orðar það.