Shouse í stuði

Justin Shouse var í miklu stuði í kvöld er Stjarnan vann sannfærandi sigur á Skallagrími í Fyrirtækjabikar karla í körfubolta.

Shouse skoraði 18 stig og gaf 11 stoðsendingar. Frammistaða sem lofar góðu fyrir veturinn.

Bæði Stjarnan og Skallagrímur hafa hlotið fjögur stig í sínum riðli. KFÍ er með tvö og Hamar ekkert.

Fyrirtækjabikar karla, C-riðill

Stjarnan-Skallagrímur 94-77 (29-18, 28-23, 19-17, 18-19)

Stjarnan: Justin Shouse 18/4 fráköst/11 stoðsendingar/5 stolnir, Marvin Valdimarsson 16/8 fráköst, Fannar Freyr Helgason 16/7 fráköst, Dagur Kár Jónsson 13/4 fráköst, Daði Lár Jónsson 13/5 fráköst, Sæmundur Valdimarsson 8/6 fráköst, Kjartan Atli Kjartansson 8/4 fráköst, Magnús Bjarki Guðmundsson 2, Sigurður Dagur Sturluson 0, Christopher Sófus Cannon 0.

Skallagrímur: Hörður Helgi Hreiðarsson 13/10 fráköst, Davíð Ásgeirsson 13, Egill Egilsson 10/7 fráköst, Sigurður Þórarinsson 10, Valur Sigurðsson 9, Davíð Guðmundsson 8, Orri Jónsson 6/5 stoðsendingar, Trausti Eiríksson 6/7 fráköst, Kristófer Gíslason 2, Sigursteinn Orri Hálfdánarson 0.