David Bowie tilnefndur til Mercury

David Bowie og hljómsveitin Arctic Monkeys eru á meðal þeirra sem hafa fengið tilnefningar til bresku Mercury-tónlistarverðlaunanna.



Reynsluboltinn Bowie er tilnefndur fyrir plötuna The Next Day, sem er hans fyrsta í tíu ár, á meðan Arctic Monkeys er tilnefnd fyrir AM sem er nýkomin út.

Aðrir sem fengu tilnefningar voru James Blake, Disclosure, Laura Marling, Foals, Rudimental, Jon Hopkins, Jake Bugg Laura Mvula, Savagers og Villagers.



Arctic Monkeys, Marling, Bowie, Foals, Villagers og James Blake hafa öll verið tilnefnd áður til hinna virtu Mercury-verðlauna og hlaut Arctic Monkeys þau árið 2006.



Á meðal annarra sem hafa hlotið verðlaunin eru P.J. Harvey, The xx, Franz Ferdinand, Primal Scream og Badly Drawn Boy. Hljómsveitin Alt-J bar sigur úr býtum í fyrra með plötuna An Awesome Wave. Mercury-verðlaunin verða afhent í London 30. október.