Modric vill ekki yfirgefa Real Madrid

Luka Modric, leikmaður Real Madrid, ætlar sér ekki að yfirgefa félagið í sumar eins og svo margir höfðu spáð eftir tímabilið.

Modric hefur verið orðaður við fjöldann allan af félögum og var talið líklegt að hann myndi fara frá spænska stórveldinu.

Modric kom frá Tottenham Hotspurs fyrir síðustu leiktíð og margir höfðu velt því fyrir sér hvort þessi króatíski miðjumaður væri á leiðinni á ný til Englands.

„Ég hef ekki áhuga á því að yfirgefa Real Madrid í sumar,“ sagði Modric.

„Það vilja allir spila fyrir Real Madrid og var alltaf minn draumur. Ég fer ekki frá slíkum klúbbi.“