Airbus A350 í jómfrúrflugi sínu

Airbus A350 nýjasta farþegaþota evrópska flugvélaframleiðandans  Airbus hefur tekið á loft í jómfrúrflug sitt frá flugvellinum við Toulouse í Frakklandi.

Airbus A350 á að vera mun hagkvæmari þegar kemur að eldsneytisnotkun en fyrri farþegaþotur Airbus og er henni ætlað að keppa við Dreamliner þotur Boeing.

Í frétt um málið á vefsíðu BBC segir að Airbus A350 þotan muni vera á lofti í fjóra tíma meðan að ýmsar prófanir fara fram um borð í henni. Reiknað er með að fyrstu þoturnar verði afhentar kaupendum sínum á næsta ári. Sjá hér.