Sendu Óla Stef þakkarkveðju

Það styttist í að besti handboltamaður Íslandssögunnar, Ólafur Stefánsson, spili sinn síðasta landsleik fyrir Ísland.

Það verður þann 16. júní er Rúmenía sækir Ísland heim í undankeppni EM. Þetta er lokaleikur Íslands í riðlinum en Ísland hefur þegar tryggt sér þátttökuréttinn á lokakeppninni í Danmörku.

Leikurinn mun því meira og minna snúast um Ólaf en Íslendingar fá þarna tækifæri til þess að þakka honum fyrir allar gleðistundirnar.

Arion Banki hefur ákveðið að hjálpa Íslendingum að þakka Óla fyrir og hefur sett upp síðu þar sem hægt er að kasta kveðju á Ólaf.

Síðan heitir einfaldlega TakkÓli.is. Á síðunni má einnig sjá kveðjur frá vinum og félögum Óla.