Á von á barni í september

Williams-ökuþórinn Pastor Maldonado og kærasta hans Gaby eiga von á sínu fyrsta barni í september. Áhugamenn um Formúlu 1 kannast kannski við Gaby enda er hún fastagestur á öll mót og fylgist með sínum manni keppa við þá bestu í heimi.

Barnalánið verður kannski til þess að Maldonado verði ábyrgari ökuþór en hann hefur þótt full bráður og fljótur að gera mistök undir pressu.

Maldonado keppir í Kanada um helgina og fer tímatakan fyrir kappaksturinn fram núna á eftir. Hún er sýnd í beinni útsendingu á Stöð 2 Sport.