Elvar kominn aftur heim

Valsmenn halda áfram að safna liði í handboltanum fyrir næsta vetur og nú í dag fékk liðið enn einn sterkan leikmann.

Sá er kunnuglegur enda uppalinn hjá félaginu. Elvar Friðriksson hefur ákveðið að koma heim frá Svíþjóð til þess að spila með Val.

Elvar hefur verið að spila með Hammarby í Svíþjóð en er búinn að binda sig við Val til næstu tveggja ára.

Valsmenn verða með hrikalega öflugt lið næsta vetur en félagið hefur þegar fengið menn eins og Geir Guðmundsson og Guðmund Hólmar Helgason.

Svo er spurning hvort þjálfararnir, Ólafur Stefánsson og Ragnar Óskarsson, spili með liðinu?