Helgarmaturinn - Fiskréttur sem kemur á óvart

Eva Lind Jónsdóttir reyndi þennan ljúffenga fiskrétt á dögunum en hún rak augun í uppskriftina hjá LKL-klúbbnum á netinu. Hún segir að þrátt fyrir að rétturinn sé einfaldur og fljótlegur í framkvæmd komi hann mjög skemmtilega á óvart.

Þorskur með möndlusmjöri

800 g þorskur eða annar hvítur fiskur

200 g möndluflögur

3 dl möndlumjöl

100 g smjör

Sítrónu-/limesafi

Salt og pipar



Byrjaðu á að bræða smjörið í potti og hrærðu svo möndlumjölinu rólega saman við svo úr verði þykk hræra. 

Settu helminginn af möndluflögunum, smá sítrónusafa, salt og pipar saman við, smakkaðu það til. Settu síðan fiskinn í smurt eldfast mót og settu hræruna yfir og stráðu svo restinni af möndlunum efst. 

Bakaðu í ofni í 25 mín á 180°C.

Berðu fram með fersku salati að eigin vali.