Anton Sveinn bætti Íslandsmet | Úrslit dagsins

Anton Sveinn McKee bætti í dag Íslandsmetið í 400 m skriðsundi karla en hann deildi áður metinu með Erni Arnarsyni.

Íslandsmeistaramótið í 50 m laug hófst í Laugardalslauginni í dag en í úrslitum 400 m skriðsundsins synti Anton Sveinn á 3:56,65 mínútum. Hann bætti gamla metið um 26 hundraðshluta úr sekúndu.

Þá var Eygló Ósk Gústafsdóttir nálægt því að bæta metið sitt í 200 m fjórsundi. Hún synti á 2:14,93 mínútum og var aðeins 0,06 sekúndum frá Íslandsmeti sínu.

Önnur í greininni varð Hrafnhildur Lúthersdóttir en báðar kepptu þær á Ólympíuleikunum í sumar.

Hér fyrir neðan má sjá úrslit dagsins:

50 m flugsund

1. Orri Freyr Guðmundsson, SH 25,73 sek.

2. Árni Guðnason, SH 26,30

3. Birgir Viktor Hannesson, Óðni 26,76

200 m flugsund

1. Ólöf Edda Eðvarðsdóttir, ÍBR 2:24,53 mín.

2. Paulina Lazorikova, Ægi 2:25,91

3. Erla Sigurjónsdóttir, ÍBR 2:30,97

400 m skriðsund

1. Anton Sveinn McKee, Ægi 3:56,65 mín

2. Óli Mortensen, Havnar (Færeyjum) 4:07,48

3. Daníel Hannes Pálsson, Fjölni 4:08,04

50 m skriðsund

1. Ingibjörg K. Jónsdóttir, SH 26,08 sek.

2. Karen Sif Vilhjálmsdóttir, SH 27,10 sek.

3. Snjólaug T. Hansdóttir, SH 27,45

100 m baksund

1. Kolbeinn Hrafnkelsson, SH 59,03 sek.

2. Kristinn Þórarinsson, Fjölni 59,54

3. Árni Jónsson, KR 1:01,31 mín.

200 m fjórsund

1. Eygló Ósk Gústafsdóttir, Ægi 2:14,93 mín.

2. Hrafnhildur Lúthersdóttir, SH 2:15,72

3. Íris Ósk Hilmarsdóttir 2:30,94

200 m fjórsund

1. Bartal Hofgaard Hestoy, Havnar 2:10,34 mín

2. Kristinn Þórarinsson, Fjölni 2:13,50

3. Viktor Mári Vilbergsson, Breiðabliki 2:14,21

800 m skriðsund

1. Rebekka Jaferian, Ægi 9:20,75 mín

2. Birta María Falsdóttir, ÍBR 9:25,73

3. Bára K. Björgvinsdóttir, SH 9:31,37

800 m boðsund

1. SH 8:01,21 mín

2. Fjölnir 8:17,32

3. Breiðablik 9:09,62