Mál Einars skýrast líklega í dag

Norska handknattleiksfélagið Molde birti frétt á Facebook-síðu sinni í gær um að Einar Jónsson væri búinn að skrifa undir samning við félagið. Sú frétt reyndist ekki vera rétt. Það er samt ekki enn búið að fjarlægja fréttina.

Arnar Freyr Theodórsson, umboðsmaður Einars, sagði málin þó langt komin og það myndi líklegast skýrast í dag eða á morgun hvort Einar semji við félagið. Meiri líkur en minni eru þó á því að Einar semji við norska liðið.

Einar mun þá taka við þjálfun kvennaliðs Molde sem er í C-deildinni. Félagið ætlar sér þó stóra hluti á næstu árum og vill fá Einar til þess að stýra liðinu upp í efstu deild.