Mitt síðasta Íslandsmót í bili

Guðmundur Eggert Stephensen borðtenniskappi náði þeim einstaka árangri í dag að vinna sinn 20. Íslandsmeistaratitil í röð í einliðaleik.

Guðmundur vann þá öruggan sigur á KR-ingnum Kára Mímissyni. Guðmundur var 11 ára gamall er hann vann sinn fyrsta Íslandsmeistaratitil og mikið vatn hefur runnið til sjávar síðan þá.

"Þetta er orðið gott. Nú mega aðrir fara að vera að vera Íslandmeistarar," sagði Guðmundur við Vísi eftir sigurinn í dag.

"Þetta var mitt síðasta Íslandsmót í bili. Ég er ekki hættur í borðtennis en þetta var mitt síðasta Íslandsmót í bili."

Guðmundur mun halda áfram að spila með félagsliði sínu í Hollandi og hann ætlar einnig að taka þátt í mótum hérlendis en Íslandsbikarinn fer annað á næsta ári.

Nánar verður rætt við Guðmund í Fréttablaðinu á morgun.