Markalaust í Rússlandi

Anzhi og Newcastle gerðu markalaust jafntefli í fyrri viðureign liðanna í 16-liða úrslitum Evrópudeildar UEFA í kvöld.

Varnarleikurinn var í aðalhlutverki í leiknum og lítið um færi. Samuel Eto'o átti marktilraun af löngu færi í fyrri hálfleik en mikið meira var það ekki.

Leikurinn hresstist aðeins í síðari hálfleik og aftur komst Eto'o næst því að skora fyrir Rússana en markvörðurinn Rob Elliot sá við honum.

Newcastle fékk sitt besta færi þegar Hatem Ben Arfa skaut að marki en skotið fór beint á markvörð Anzhi.

Sjö Frakkar voru í byrjunarliði Newcastle í kvöld.