Rodgers: Við vorum ótrúlegir í þessum leik

Liverpool féll úr leik í Evrópudeild UEFA á dramatískan hátt í kvöld. Liðið lagði Zenit, 3-1, en féll úr leik á útivallarmarki Zenit.

"Mér fannst við vera ótrúlegir í þessum leik," sagði Brendan Rodgers, stjóri Liverpool, eftir leikinn.

Jamie Carragher gaf Zenit mark snemma leiks og eftir það varð Liverpool að skora fjögur. Liðið komst ansi nærri því.

"Margir héldu að þetta væri búið er við lentum undir. Við sýndum gæðin í þessu liði í staðinn.

"Við hefðum átt að fá víti í leiknum og við erum gríðarlega svekktir. Við töpuðum orrustunni en unnum stríðið því við erum á réttri leið."