Madonna tekjuhæsti tónlistarmaðurinn í fyrra

Madonna var tekjuhæsti tónlistarmaðurinn á síðasta ári en tekjur hennar námu 34,6 milljónum dollara eða tæplega 4,4 milljarða króna.

Þetta kemur fram á nýjum lista Billboard um tekjuhæstu tónlistarmennina á síðustu ári. Næst á eftir Madonnu koma Bruce Springsteen og Roger Waters en þeir ásamt Madonnu byggja tekjur síðasta árs að stórum hluta á tónleikaferðalögum.

Madonna er eina konan af topp tíu tónlistarmönnunum hvað tekjur varðar en á toppnum eru aðallega bandarískir sveitasöngvarar fyrir utan framangreinda tónlistarmenn og gamla rokkarann Van Halen.

Justin Bieber nær svo inn í tíunda sætið með ríflega helmingi minni tekjur en Madonna.